2012年11月10日 星期六
解放軍咁走毅行者就食屎吧
中國人民解放軍駐港部隊,今年首屆參加毅行者,查實本來係好事,因為呢個代表佢地願意同香港社區共同合作,不過,佢地贏咗毅行者冠亞軍後,果啲核突表現就搞到解放軍出醜,睇嚟遲早會修例修到唔駛解放軍出嚟玩。
毅行者嘅路線,查實係駐港英軍,特別啹喀兵嘅訓練路線,真正嘅軍事訓練精神係,以盡量少的支援,以最快速度完成整個路段,軍人打仗係預咗隨時無補給或缺乏補給都要打落去,呢個係軍事常識,訓練果陣預備大量補給支援果啲係白痴訓練。所以啹喀兵一向都係以基本的支援隊伍嚟行畢全程,兩三條友做支援,然後自己孭相當重裝備,軍事訓練就係咁樣。
而毅行者亦唔係鬥快做目標,睇過蔡東豪寫毅行者本書,都大概知道毅行者係挑戰自己同養成團隊精神更重要,名次真係比較次要。由於大家都唔係當毅行者係乜體育比賽,所以樂施會亦無明文限定,每隊支援隊伍可以有幾多人,可唔可以中途換跑鞋,支援隊伍可唔可以阻人前進之類嘅問題。
但係解放軍呢鋪真係勁難睇,史上最豪華嘅支援隊伍唔駛講,仲要支援隊伍阻人前進,中途換嘅跑鞋通山掉,搞到成個路段不知所謂。咁唔怪得人地投訴爆你,由體育精神嚟講,俾你拎到第一又點,一睇就知解放軍唔知毅行者玩乜。而軍人最講武德,呢個仲睇到解放軍武德,連國際標準都未達到,威武文明之師就只係中國方面自吹自擂,呢類無武德軍人,就連二次大戰德國國防軍都不如(黨衛軍SS係勁,不過濫殺猶太人嘅人渣垃圾)。
由軍事角度嚟睇,解放軍有無作戰能力仲係疑問,成棚友有大量支援下輕裝上陣,時間仍然比啹喀嘅紀錄慢廿五分鐘,呢幾年參加毅行者嘅啹喀,查實都唔係現役軍人,G4S果班係退役軍人,如果退役軍人無屈機仍然快過你嘅話,咁你呢班現役軍人喺作戰體能上,根本係遠不及啹喀,以往駐港英軍,甚至隨時只係皇家香港軍團(義勇軍)嘅級數,駐港解放軍己經係精英軍團,咁大家諗吓中國最頂級嘅陸軍,打唔打得過英軍先?連英軍都打唔過,咁美軍一打到嚟,你敢肯定解放軍有近年四圍打仗嘅美軍咁fit?
呢啲死面子嘅行徑係自暴其短,如果我係北約成員國駐港武官,或者日本自衛省嘅武官,睇完今年毅行者只會笑咗,中國係軍事強國,連軍人基本質素都未搞掂,俄國賣幾多過期軍備都係得啖笑。
作者 MO 2009
訂閱:
文章 (Atom)
健康資訊
這網站有大量健康資訊,可利用 Google Chrome 瀏覽器的自動翻譯功能把它中文化閱讀。 https://www.nhs.uk/conditions/
-
老中青校友火滾:令我哋蒙羞 港大大開中門讓警方阻絕學生遊行、禁錮示威學生,般咸道的港大校園拱手讓予「特區公安」,象徵「最高之位」的校監椅子也讓予李克強坐,老中青三代校友無不搖頭握腕,慨嘆港大淪落,擬於下周發起集會和登報刊登聲明,要求港大校方管理層道歉和警務處長曾偉雄下台。 ...
-
前中共總書記江澤民近期死去活來的消息,震撼傳媒、網絡,牽動中港兩地政局。「去見馬克思」,本應是江澤民這樣的共產黨員對死亡的表態,但他晚年鍾情四處拜佛,似乎百年後要見的並不是馬克思。記者追蹤江澤民近年拜佛足迹,發覺其行程似有玄機,其中,他到安徽九華山向地藏菩薩進香,竟是選擇在 20...
-
7月26日社評 2011/07/26 溫州列車相撞二十小時後,救援人員在車廂救出一名生還女童。 蘋果日報 社論指,女童的遭遇反映了火車相撞後的搜救、善後處理工作是何等兒戲、何等馬虎、何等僵化及官僚。更可怕的是,中國官方,特別是鐵道部根本不是以搶救死傷者為主,而是以...