---------
香港最溫暖的時代、同時亦係最黑暗的時代！
昨晚餐廳，有個瘦弱年輕人，唔好意思咁問：係咪有電叉？
朋友答：有，你坐下休息下先，食啲嘢飲杯嘢？(都諗住請㗎喇，知咩事）
年輕人(更不好意思)：對唔住，我冇錢食..
隔離枱有個食客聽到反應超快，即時落柯打表示請年輕人食，碗飯唔辣，但食出眼淚。
轉發：呢個信息好重要！
各位朋友麻煩下次出去主動問d 細路幫下佢地...依兩日好多group 已經見到佢地真係已經到左無飯食ge 階段...大家可以買定快餐店coupon 係身有需要就派...岩岩有位朋友講起...早兩日有幾個細路女真係主動問朋友有無野食，個時朋友買左餅比佢地...佢地講野好細聲無力個種黎...依家事後先諗返起佢地經濟應該真係出現左問題...肯主動搵人幫嘅唔多...麻煩咁多位大人主動d...無野食好易暈...有事想跑都跑唔郁...幫得一個得一個！！！！
另外，我陳可樂親身經歷：雨傘97天我係靠朋友派百佳現金券維生，可以買牛奶同早餐。
所以大家快去買現金券隨身攜帶！
P.s. 唔好再問我成立基金，處理金錢好大責任，又要過audit, 又要俾公眾審核，好多道德問題。罷工基金都成日俾人屌，612人道基金都有人叫唔好捐。你話我發晦氣都係咁話，唔會處理現金既問題。
https://m.facebook.com/story.php?story_fbid=2560276963984560&id=100000068448510
沒有留言:
張貼留言